shh.is
Mánudagur 20. desember 2004
Táknmálsnámskeið í janúar
Ný stundatafla kvöldnámskeiða í táknmáli er nú komin inn á vefinn. Í janúar er stefnt að því að kenna Tákn 1, Tákn 3 og Tákn 9 og hefjast námskeiðin 10. janúar. Skráning og nánari upplýsingar í síma 562-7702 eða með tölvupósti anney@shh.is eða shh@shh.is .
Mánudagur 6. desember 2004
Táknmálsorðasafn á netinu
Táknabankinn, táknmálsorðasafn á netinu, var opnaður á laugardaginn. Vigdís Finnbogadóttir opnaði vefinn við formlega athöfn í Þjóðmenningarhúsinu en hún er verndari minnihlutatungumála í nafni Sameinuðu þjóðanna.
Táknabankinn er samstarfs-verkefni Foreldra –og styrktarfélags heyrnardaufra, Félags heyrnarlausra og Samskiptamiðstöðvar og hefur verið unnið að verkefninu sl. 3 ár. Samskiptamiðstöð mun hafa umsjón með bankanum og sjá um innsetningu efnis. Nú er búið að setja inn u.þ.b. 4-500 tákn en búið er að taka upp vel á þriðja þúsund tákna og verið er að vinna að innsetningu þeirra. Ljóst er að nokkrir gallar eru á kerfinu, m.a. að það er nokkuð hægvirkt, en þegar meira fjármagn fæst verður það þróað og lagfært. Allar góðar ábendingar eru vel þegnar með tölvupósti anney@shh.is og verða þær hafðar til hliðsjónar þegar ráðist verður í næsta áfanga. Slóðin er www.taknmal.is .
Föstudagur 3. desember 2004
Fréttapistill desembermánaðar
Nú er setið í hverju horni á Samskiptamiðstöð, Valgerður mætt aftur til starfa og tekið að róast í túlkaþjónustunni, enginn í fæðingarorlofi og aðventan brostin á. Við bjóðum Valgerði sérstaklega velkomna aftur.
Túlkasmiðja verður haldin fyrir starfandi túlka í mánuðinum og túlkar fá tækifæri til að skoða eigin túlkun og þjálfa og ræða einstaka þætti. Við lítum á Samskiptamiðstöð sem stofnun lærdóms og menntunar og viljum bæta við okkur á hverjum degi.
Eins og undanfarin ár verður haldinn stórfundur starfsmanna þar sem við förum yfir stöðuna, gerum áætlanir og horfum um öxl. Að okkar mati er mikilvægt að allir starfsmenn taki þátt í stefnumótun og umræðum um leiðarljós og markmið.
Jólavinavikan er vikuna 6. – 10. desember en þá gleðjum við hvert annað eða sprellum eftir atvikum. Þessari viku lýkur svo með jólahlaðborði sem er annar hápunktur félagslífs starfsmanna. Að þessu sinni borðum við á Grand hótel.
Nú standa yfir árviss starfsmannaviðtöl og framundan er viðhorfskönnun starfsmanna. Má segja að desembermánuður sé mánuður liðskönnunar, samstöðu og tími til að klappa hvert öðru á bakið áður en haldið er í næstu lotu, vorönnina.
Við óskum öllum viðskiptavinum okkar, stofnunum á sviðinu og hvert örðu gleði og friðar á aðventunni.
Svandís Svavarsdóttir
aðstoðarforstöðumaður
Þriðjudagur 23. nóvember 2004
Tákn 3 fellt niður
Ekki fékkst næg þátttaka á Tákn 3 svo það fellur niður að sinni. Stefnt er að því að halda námskeiðið í janúar og hægt er að skrá sig strax hjá Anneyju í síma 562-7702 eða með tölvupósti anney@shh.is. Nánari tímasetning verður auglýst á vefnum í desember.
Föstudagur 12. nóvember 2004
Ný stundaskrá
Athugið nýja og breytta stundaskrá kvöldnámskeiða í táknmáli http://www.shh.is/stundaskra.htm. Hún er birt með fyrirvara um breytingar, bæði hvað varðar kennara og niðurfellingu á námskeiðum.
Fimmtudagur 11. nóvember 2004
Námskeið á NUD
27.- 30. október sl. Fóru tveir túlkar frá Samskiptamiðstöð, þær Lilja Ólöf Þórhallsdóttir og Gerður Sjöfn Ólafsdóttir, á námskeið á NUD sem bar yfirskriftina „Túlkun fyrir daufblinda“. Þar kynntu aðilar frá Danmörku, Noregi, Finnlandi og Svíþjóð verkefni sem þeir hafa unnið að síðustu ár. Öll verkefnin voru um túlkun fyrir fólk sem er alvarlega sjón- og heyrnarskert en hefur ekki táknmál á valdi sínu.
Námskeiðið var afar lærdómsríkt fyrir túlkana þar sem mest áhersla var lögð á rétt vinnubrögð og tíminn nýttur vel. Þær komu heim með fullt af efni í farteskinu sem við getum nýtt við vinnu okkar hér á SHH til bættrar þjónustu fyrir daufblinda.
Föstudagur 29. október 2004
Gestir á Samskiptamiðstöð
Í síðustu viku heimsóttu okkur nemendur úr táknmálsfræði í Háskóla Íslands. Um var að ræða nemendur í námskeiðinu Menning og saga I. Nokkrir starfsmenn kynntu verksvið sín og Svandís sagði frá starfsemi stofnunarinnar. Í lokin var boðið upp á léttar veitingar og nemendurnir skoðuðu stofnunina.
Föstudagur 22. október 2004
Sigur í réttindabaráttu heyrnarlausra
Á fundi ríkisstjórnar Íslands þriðjudaginn 12. október síðastliðinn var ákveðið að veita sérstöku fjármagni til túlkunar í daglegu lífi. Fyrir þetta ár verður upphæðin 2 milljónir króna en síðan 10 milljónir á ári hér eftir. Um er að ræða gríðarlegan sigur fyrir heyrnarlausa sem hafa háð baráttu fyrir viðurkenningu á þessari þörf. Samskiptamiðstöð annast varðveislu fjármagnsins og að sjá um umsjón og eftirlit með túlkaverkefnum sem undir sjóðinn heyra. Hins vegar geta bæði túlkar stofnunarinnar og sjálfstætt starfandi túlkar nýtt sjóðinn samkvæmt sérstöku samkomulagi.
Táknmálsnámskeið í janúar
Ný stundatafla kvöldnámskeiða í táknmáli er nú komin inn á vefinn. Í janúar er stefnt að því að kenna Tákn 1, Tákn 3 og Tákn 9 og hefjast námskeiðin 10. janúar. Skráning og nánari upplýsingar í síma 562-7702 eða með tölvupósti anney@shh.is eða shh@shh.is .
Mánudagur 6. desember 2004
Táknmálsorðasafn á netinu
Táknabankinn, táknmálsorðasafn á netinu, var opnaður á laugardaginn. Vigdís Finnbogadóttir opnaði vefinn við formlega athöfn í Þjóðmenningarhúsinu en hún er verndari minnihlutatungumála í nafni Sameinuðu þjóðanna.
Táknabankinn er samstarfs-verkefni Foreldra –og styrktarfélags heyrnardaufra, Félags heyrnarlausra og Samskiptamiðstöðvar og hefur verið unnið að verkefninu sl. 3 ár. Samskiptamiðstöð mun hafa umsjón með bankanum og sjá um innsetningu efnis. Nú er búið að setja inn u.þ.b. 4-500 tákn en búið er að taka upp vel á þriðja þúsund tákna og verið er að vinna að innsetningu þeirra. Ljóst er að nokkrir gallar eru á kerfinu, m.a. að það er nokkuð hægvirkt, en þegar meira fjármagn fæst verður það þróað og lagfært. Allar góðar ábendingar eru vel þegnar með tölvupósti anney@shh.is og verða þær hafðar til hliðsjónar þegar ráðist verður í næsta áfanga. Slóðin er www.taknmal.is .
Föstudagur 3. desember 2004
Fréttapistill desembermánaðar
Nú er setið í hverju horni á Samskiptamiðstöð, Valgerður mætt aftur til starfa og tekið að róast í túlkaþjónustunni, enginn í fæðingarorlofi og aðventan brostin á. Við bjóðum Valgerði sérstaklega velkomna aftur.
Túlkasmiðja verður haldin fyrir starfandi túlka í mánuðinum og túlkar fá tækifæri til að skoða eigin túlkun og þjálfa og ræða einstaka þætti. Við lítum á Samskiptamiðstöð sem stofnun lærdóms og menntunar og viljum bæta við okkur á hverjum degi.
Eins og undanfarin ár verður haldinn stórfundur starfsmanna þar sem við förum yfir stöðuna, gerum áætlanir og horfum um öxl. Að okkar mati er mikilvægt að allir starfsmenn taki þátt í stefnumótun og umræðum um leiðarljós og markmið.
Jólavinavikan er vikuna 6. – 10. desember en þá gleðjum við hvert annað eða sprellum eftir atvikum. Þessari viku lýkur svo með jólahlaðborði sem er annar hápunktur félagslífs starfsmanna. Að þessu sinni borðum við á Grand hótel.
Nú standa yfir árviss starfsmannaviðtöl og framundan er viðhorfskönnun starfsmanna. Má segja að desembermánuður sé mánuður liðskönnunar, samstöðu og tími til að klappa hvert öðru á bakið áður en haldið er í næstu lotu, vorönnina.
Við óskum öllum viðskiptavinum okkar, stofnunum á sviðinu og hvert örðu gleði og friðar á aðventunni.
Svandís Svavarsdóttir
aðstoðarforstöðumaður
Þriðjudagur 23. nóvember 2004
Tákn 3 fellt niður
Ekki fékkst næg þátttaka á Tákn 3 svo það fellur niður að sinni. Stefnt er að því að halda námskeiðið í janúar og hægt er að skrá sig strax hjá Anneyju í síma 562-7702 eða með tölvupósti anney@shh.is. Nánari tímasetning verður auglýst á vefnum í desember.
Föstudagur 12. nóvember 2004
Ný stundaskrá
Athugið nýja og breytta stundaskrá kvöldnámskeiða í táknmáli http://www.shh.is/stundaskra.htm. Hún er birt með fyrirvara um breytingar, bæði hvað varðar kennara og niðurfellingu á námskeiðum.
Fimmtudagur 11. nóvember 2004
Námskeið á NUD
27.- 30. október sl. Fóru tveir túlkar frá Samskiptamiðstöð, þær Lilja Ólöf Þórhallsdóttir og Gerður Sjöfn Ólafsdóttir, á námskeið á NUD sem bar yfirskriftina „Túlkun fyrir daufblinda“. Þar kynntu aðilar frá Danmörku, Noregi, Finnlandi og Svíþjóð verkefni sem þeir hafa unnið að síðustu ár. Öll verkefnin voru um túlkun fyrir fólk sem er alvarlega sjón- og heyrnarskert en hefur ekki táknmál á valdi sínu.
Námskeiðið var afar lærdómsríkt fyrir túlkana þar sem mest áhersla var lögð á rétt vinnubrögð og tíminn nýttur vel. Þær komu heim með fullt af efni í farteskinu sem við getum nýtt við vinnu okkar hér á SHH til bættrar þjónustu fyrir daufblinda.
Föstudagur 29. október 2004
Gestir á Samskiptamiðstöð
Í síðustu viku heimsóttu okkur nemendur úr táknmálsfræði í Háskóla Íslands. Um var að ræða nemendur í námskeiðinu Menning og saga I. Nokkrir starfsmenn kynntu verksvið sín og Svandís sagði frá starfsemi stofnunarinnar. Í lokin var boðið upp á léttar veitingar og nemendurnir skoðuðu stofnunina.
Föstudagur 22. október 2004
Sigur í réttindabaráttu heyrnarlausra
Á fundi ríkisstjórnar Íslands þriðjudaginn 12. október síðastliðinn var ákveðið að veita sérstöku fjármagni til túlkunar í daglegu lífi. Fyrir þetta ár verður upphæðin 2 milljónir króna en síðan 10 milljónir á ári hér eftir. Um er að ræða gríðarlegan sigur fyrir heyrnarlausa sem hafa háð baráttu fyrir viðurkenningu á þessari þörf. Samskiptamiðstöð annast varðveislu fjármagnsins og að sjá um umsjón og eftirlit með túlkaverkefnum sem undir sjóðinn heyra. Hins vegar geta bæði túlkar stofnunarinnar og sjálfstætt starfandi túlkar nýtt sjóðinn samkvæmt sérstöku samkomulagi.
